Ffeithiau Fferm Plas

Mae Arwyn Jones yn ffermio mewn partneriaeth â’i fam. Mae’r busnes yn cyflogi tri aelod o staff llawn amser. Mae Arwyn yn byw gyda’i bartner, Sioned Wyn Roberts, ac mae ganddynt ferch 14 mis oed o’r enw Magi.

Mae’r fferm yn cynnwys 900 erw - 420 erw yn berchen iddynt, gyda 480 erw ychwanegol yn cael ei rentu ar gytundeb tenantiaeth hir dymor.
Glaswelltir yw mwyafrif y tir, gyda 160 erw o ŷd yn cael eu tyfu’n flynyddol, gan gynnwys ŷd gaeaf a gwanwyn.

Bîff

Mae’r fferm yn pesgi 700 o wartheg yn flynyddol, a phob un ohonynt wedi’u prynu fel anifeiliaid stôr ar oedrannau amrywiol, fel arfer yn amrywio o 18-22 mis oed.
Mae amrywiaeth o fridiau yn cael eu prynu, gyda’r bwriad o gyrraedd y pwysau carcas sy’n talu uchaf.
Silwair glaswellt yw sylfaen y dogn ar gyfer pesgi, gan ychwanegu ŷd wedi’i dyfu gartref ynghyd â ffynhonnell protein sy’n cael ei brynu i mewn, sy’n amrywio yn ôl prisiau.
Mae’r gwartheg yn cael eu bwydo gan ddefnyddio cerbyd bwydo TMR.

Defaid

Ar hyn o bryd, mae’r ddiadell yn cynnwys 1,450 o ddefaid – 1,100 mamog Suffolk croes a 350 mamog miwl.
Defnyddir hyrddod Texel croes Beltex gyda’r mamogiaid Suffolk croes, gyda’r mamogiaid miwl yn cael eu troi at hyrddod Suffolk.
Mae’r mamogiaid yn dechrau ŵyna yng nghanol mis Ionawr, gyda’r ŵyn benyw yn dechrau ŵyna o ganol Mawrth.
Mae’r ŵyn i gyd yn derbyn dwysfwyd, ac yn cael eu pesgi hyd at bwysau mor agos â phosib at 21kg ar y bach.

Tyfir 160 erw o ŷd bob blwyddyn gan gynnwys gwenith a haidd gwanwyn a gaeaf, ac mae’r rhan fwyaf ohono’n cael ei ddefnyddio i besgi’r gwartheg.
Tyfir 30 erw o rêp a maip sofl fel rhan o gylchdro cnydau y fferm yn flynyddol.
Tyfir 12 erw o feillion coch yn ogystal er mwyn cydymffurfio â rheoliadau gwyrdd.

Cysylltwch â ni