Fferm Penlan, Cenarth, Castell Newydd Emlyn
Prosiect Safle Ffocws: Defnyddio bwydydd moch amgen i gynyddu proffidioldeb, gwella perfformiad a lleihau allyriadau nwyon tŷ gwydr
Nodau’r prosiect:
- Nod y prosiect yw lleihau nifer y dyddiau hyd lladd mewn bridiau moch prin trwy ddefnyddio bwydydd amgen o ffynonellau lleol.
- Byddwn yn archwilio opsiynau bwydydd amgen er mwyn llunio’r diet mwyaf addas ar gyfer moch o fridiau prin sy’n aeddfedu’n araf gyda’r nod o sicrhau bod moch pesgi yn cyrraedd y pwysau targed ar gyfer lladd ynghynt, ac felly yn lleihau effaith amgylcheddol.
- Byddwn yn cymharu cymeriant bwyd a chynnydd pwysau byw yn erbyn y drefn fwydo flaenorol i ganfod unrhyw fanteision o ddefnyddio’r dogn a luniwyd.
- Bydd y canlyniadau’n dangos gwerth bwydydd amgen a’r modd y gellir eu cynnwys yn niet moch.