Gallai’r galw cynyddol am gig eidion Wagyu sydd wedi’u cynhyrchu ar laswellt gynnig cyfle i ffermwyr fagu’r gwartheg ar eu ffermydd eu hunain.
Mewn digwyddiad a gynhelir gan Cyswllt Ffermio yn Llandysilio ym mis Ionawr, bydd y ddau a sefydlodd Natural Wagyu yn Sir Benfro yn amlinellu eu cynnig i ffermwyr eraill fod yn rhan o’r gadwyn gyflenwi.
Mae Rob Cumine and Will Prichard wedi sefydlu marchnadoedd ar gyfer y cig eidion Wagyu ac yn ceisio cynyddu’r ddarpariaeth i gwrdd â’r galw.
Dywedodd Mr Cumine, a fydd yn annerch y ffermwyr yn nigwyddiad Cyswllt Ffermio ar 9 Ionawr 2018, bod y busnes yn gobeithio gweithio gyda nifer fach o ffermwyr gyda’r un nod.
“Mae gennym ni ambell ddewis mewn golwg, ac un ohonyn nhw yw bod yn rhan o grŵp cynhyrchu, gyda Natural Wagyu yn helpu gyda’r marchnata” eglurodd.
“Rydym ni wedi gweithio gyda phedwar cynhyrchydd eleni i ddarparu gwartheg ac rydym ni am gynyddu’r niferoedd hynny.”
Mae Natural Wagyu yn cyflenwi Whole Foods, sydd wedi’u sefydlu yn Llundain, yn ogystal â sawl bwyty a mannau gwerthu bwyd ac mae’r cwsmeriaid sylfaenol hyn yn cynyddu.
Mae cig eidion Wagyu yn wreiddiol o Siapan ac yn adnabyddus am y lefel uchel o fraster drwy’r cig.
Mae’r mwyafrif o fentrau masnachol Wagyu yn pesgi gwartheg dan do, ond mae gwartheg Natural Wagyu yn cael eu bwydo gyda glaswellt a phorthiant.
Mae’r cwmni wedi buddsoddi mewn geneteg uwch ac mae’r teirw o fewn 1% gorau’r brîd ledled y byd.
Mae Mr Cumine yn dweud bod eu cynnig i ffermwyr yn eu galluogi i gynhyrchu cig eidion mewn dull fydd yn cadw cysylltiad agos gyda’r cwsmer terfynol.
Hefyd yn cyflwyno yn ystod digwyddiad arallgyfeirio Cyswllt Ffermio bydd Justin Scale, o Capeston Organics, Castell Gwalchmai, sy’n rhoi cyfle i ffermwyr gynyddu eu hincwm trwy fagu ieir maes ar ran y cwmni.
Bydd nifer cynyddol o ffermwyr yn edrych am gyfleoedd i arallgyfeirio fel ffordd o ychwanegu at eu ffrydiau incwm presennol.
“Yn ogystal â’r math yma o ddigwyddiadau, mae gan Cyswllt Ffermio ystod eang o wasanaethau sy’n cefnogi’r broses arallgyfeirio, gan gynnwys sesiynau un i un, y Gwasanaeth Cynghori neu ymaelodi â grŵp Agrisgôp i ddatblygu syniadau gyda phobl â’r un nod. Byddwn i’n annog unrhyw un sydd yn ystyried arallgyfeirio i ddefnyddio’r gefnogaeth hyn trwy fynd ein gwefan neu drwy gysylltu â’ch swyddog datblygu lleol heddiw,” dywedodd Carys Thomas, Rheolwr Rhanbarthol Cyswllt Ffermio.
Cynhelir y digwyddiad am 7.30pm, 9 Ionawr 2018 yng ngwesty Nantyffin Hotel, Llandysilio ac mae’n ofynnol eich bod chi’n archebu lle o flaen llaw. Cysylltwch â Chanolfan Wasanaeth Cyswllt Ffermio ar 08456 000813 neu e-bostiwch farmingconnect@
Mae Cyswllt Ffermio yn cael ei ariannu gan Gymunedau Gwledig Llywodraeth Cymru - Rhaglen Datblygu Gwledig 2014-2020, a ariennir gan Gronfa Amaethyddol Ewrop ar gyfer Datblygu Gwledig a Llywodraeth Cymru.