A yw cofnodion eich fferm yn gyfredol? A ydynt yn bodloni gofynion cynlluniau a deddfwriaethau presennol?
Os nad ydych yn gwybod yr ateb i'r cwestiynau hyn, neu hyd yn oed os oes angen sicrwydd arnoch bod eich gwaith papur fferm yn gyfredol, mae'n bosib y gallech elwa o fynychu cymhorthfa cadw cofnodion Cyswllt Ffermio.
Cynhelir y cymorthfeydd ledled Cymru, a gallwch archebu apwyntiad awr o hyd sy’n gwbl gyfrinachol gydag aelod o’r tîm Gwasanaeth Cysylltwyr Fferm a fydd yn darparu cyngor ac arweiniad ynglŷn ag unrhyw fater yn ymwneud â chadw cofnodion gan gynnwys Glastir, cofnodion symudiadau da byw a chofnodion meddyginiaeth.
Dywedodd Eirwen Williams, cyfarwyddwr rhaglenni gwledig Menter a Busnes sy’n darparu Cyswllt Ffermio ar ran Llywodraeth Cymru, bod y cymorthfeydd wedi cael eu trefnu mewn ymateb i adborth gan swyddogion datblygu, a oedd yn dweud bod nifer o ffermwyr wedi nodi pryderon nad ydynt yn bodloni'r gofynion diweddaraf ynglŷn â chadw cofnodion.
“Bydd mynychu un o'r cymorthfeydd yma sydd wedi'u hariannu'n llawn yn rhoi'r arweiniad a'r gefnogaeth sydd arnoch ei angen a bydd cyfle i chi drafod unrhyw bryderon posib," meddai Mrs Williams.
Cynhelir y cymorthfeydd rhwng 10yb a 5yp, gyda’r apwyntiad olaf yn cymryd lle am 4yp. Mae'n rhaid archebu lle ymlaen llaw. Er mwyn archebu apwyntiad, cysylltwch â Catrin Lloyd ar 029 2046 7418 neu anfonwch e-bost at catrin.lloyd@menterabusnes.co.uk.
Dyddiadau a lleoliadau cymorthfeydd cadw cofnodion nesaf Cyswllt Ffermio:
- 27/10/2016 Talybont ar Wysg
- 1/11/2016 Penfro
- 2/11/2016 Llanelwy
- 3/11/2016 Rhaeadr Gwy
- 10/11/2016 Wrecsam
- 10/11/2016 Rhydaman
- 11/11/2016 Mynwy
- 14/11/2016 Llanandras
- 17/11/2016 Carno