Er gwaethaf y cyfnod poeth a sych diweddar a’r cyn lleied o dwf glaswellt, un cysur yw’r ffaith bod chwant bwyd gwartheg yn tueddu i gael ei fodloni hyd yn oed ar orchudd fferm is. Mae samplau glaswellt diweddar a gymerwyd fel rhan o Brosiect Porfa Cymru wedi dangos samplu glaswellt Fresh gyda Deunydd Sych (DM) o 28%, sy’n gynnydd o 18% ers 6 wythnos ynghynt.
Un enghraifft yw y byddai angen i fuwch 600Kg sydd angen 18Kg o DM y dydd yn cynnwys 3kg/DM o ddwysfwyd a 15kgDM o laswellt fwyta 83.3kg o laswellt Pwysau Ffres (FW) y diwrnod gyda 18% o Ddeunydd Sych. Ond, pe byddai’n bwyta’r glaswellt wedi samplu uchod, byddai ond angen iddi fwyta 53.2 KgFW. Fodd bynnag, mae’n bwysig nodi bod gan y sampl uchod dal lefelau da o brotein ac ynni y gellir ei Fetaboleiddio (ME), tra bod y lefelau Ffeibr Glanedol Niwtral yn ddigon uchel i ganiatáu ychwanegiadau pellach gyda dwysfwyd. Gall samplu glaswellt yn ystod cyfnodau a sefyllfaoedd allweddol trwy gydol y flwyddyn sicrhau eich bod yn dyrannu tir pori ac ychwanegiadau yn gywir er mwyn osgoi tanfwydo neu wastraff o ddyrannu gormod o dir pori.