Ymunwch â Cyswllt Ffermio ar gyfer eu ‘Uwch-gynhadledd Cyrff Cynhyrchwyr Llaeth’ cyntaf er mwyn darganfod mwy am sut all Cyrff Cynhyrchwyr Llaeth ychwanegu gwerth a gwella effeithlonrwydd yn y gadwyn cyflenwi llaeth yng Nghymru.
Gallai Cyrff Cynhyrchwyr Llaeth fod o gymorth i fynd i’r afael â’r heriau’r farchnad ar hyn o bryd ac at y dyfodol o fewn y sector llaeth yng Nghymru. Mae Cyrff Cynhyrchwyr Llaeth yn grwpiau wedi’u sefydlu a’u rheoli gan ffermwyr, a’u prif nod yw trafod cytundebau a thelerau ac amodau cyflenwi, gan gynnwys prisiau llaeth, gyda phroseswyr.
Bydd yr Uwch-gynhadledd Cyrff Cynhyrchwyr Llaeth Cymru yn amlinellu strwythurau Cyrff Cynhyrchwyr Llaeth ac yn darparu gwybodaeth ynglŷn â’r posibiliadau y gallant eu cynnig i’r diwydiant Llaeth yng Nghymru. Bydd rhaglen y dydd yn cynnwys:
- Siaradwyr nodedig o’r diwydiant gan gynnwys Stephen Bone, cadeirydd Corff Cynhyrchwyr Llaeth Dairy Crest Direct yn Davidstow; Rory Christie, cadeirydd Milk Supply Association; a Neil Adams, Promar.
- Gweithdai er mwyn hwyluso trafodaethau, syniadau a dadleuon
- Sesiwn holi ac ateb gyda phanel o siaradwyr
Mae’r uwch gynhadledd yn cael ei drefnu gan Cyswllt Fferrmio mewn cydweithrediad â’r grŵp Agrisgôp Cyrff Cynhyrchwyr Llaeth (DPO) Cymru. Mae’r grŵp yn cynnwys ffermwyr llaeth o bob cwr o Gymru sy’n awyddus i ymchwilio i bosibiliadau Cyrff Cynhyrchwyr Llaeth yng Nghymru.
Uwch gynhadledd Cyrff Cynhyrchwyr Llaeth Cymru
Lleoliad: Llety Parc, Aberystwyth SY23 3TL
Dyddiad: Dydd Llun, 14 Tachwedd 2016
Amser: 10:30 – 15:30
Am fwy o fanylion neu i archebu lle, cysylltwch â Carys Thomas ar 01970 631402 neu carys.thomas@menterabusnes.co.uk