14 Hydref 2020

 

Mae Cyswllt Ffermio yn eich gwahodd i ychwanegu gwerth i’ch busnes, buddsoddi yn eich dyfodol, bod yn rhan o’ch stori lwyddiannus drwy gyfres o weminarau.

 

20/10/2020, 11:00- Tai coed: Ein profiad o arallgyfeirio

Bydd Laura Lewis yn ymuno â Cyswllt Ffermio i rannu ei phrofiad hi a’i theulu o arallgyfeirio a chreu busnes llwyddiannus Squirrel’s Nest.

 

20/10/2020, 15:00- A yw arallgyfeirio i’r farchnad briodasau yn opsiwn ar gyfer eich busnes?

Mae gan Kelly Chandler flynyddoedd o brofiad yn y diwydiant priodasau. Mae hi wedi gweithio gyda nifer o fusnesau gwledig i ychwanegu rhagor o incwm, boed hynny’n lansio lleoliad newydd ar gyfer priodasau neu addasu’r hyn sydd eisoes yn cael ei gynnig o fewn y sector priodasau.

 

20/10/2020, 20:00- Sut lwyddodd un busnes arallgyfeirio i ddod yn enwog ar draws y byd!

Bydd Sean Taylor, perchennog Zip World yn ymuno ag wythnos rithwir Arloesi ac Arallgyfeirio Cyswllt Ffermio. Bydd Sean yn cyflwyno gweminar awr o hyd yn amlinellu’r hyn sy’n gwneud Zip World yn atyniad twristiaid mor llwyddiannus ac enwog ar draws y byd.

 

21/10/2020, 10:30- Arloesi ym maes Garddwriaeth (Tatws/Moron a llysiau coesynnog)

Bydd Grace Choto yn trafod prosiect Best4soil rhwydwaith EIP-AGRI Horizon 2020 yr UE. Nod y prosiect yw gwella iechyd y pridd ar draws Ewrop drwy hyrwyddo pedwar o’r arferion gorau ar gyfer rheoli’r pridd a chylchdroi cnydau. Mae AHDB yn chwarae rhan ‘hwyluso’ er mwyn cyfathrebu canlyniadau’r prosiect a thannu adnoddau gyda ffermwyr a thyfwyr. Yn ystod y cyflwyniad, bydd Grace yn canolbwyntio ar gronfa ddata nematod Best4soil.

 

21/10/2020, 14:00- "Rhyngrwyd y Pethau ar ffermydd Cymru: Gwneud y broses o reoli ffermydd yn haws, yn well ac yn fwy proffidiol."

Yn ystod y weminar hon a gynhelir ar ffurf gweithdy, bydd mynychwyr yn: Mwynhau gweithdy anffurfiol wedi’i dargedu ar gyfer ffermwyr sy’n newydd i gysyniad gosodiadau “Rhyngrwyd y Pethau” ar ffermydd, cael eu hannog i rwydweithio ac i rannu syniadau a phrofiadau, clywed gan ddau gwmni sy’n arwain y ffordd yn y sector Technoleg Amaethyddol yng nghyd-destun technoleg Rhyngrwyd y Pethau, trafod syniadau ymarferol ynglŷn â sut y byddai modd defnyddio synwyryddion Rhyngrwyd y Pethau er budd ffermwyr yng Nghymru, dysgu sut i gael mynediad at byrth LoRaWAN Cyswllt Ffermio a osodwyd ar 18 o safleoedd o fewn y rhwydwaith arddangos.

 

21/10/2020, 20:00- Beth yw rôl technoleg Rhyngrwyd y Pethau mewn Amaethyddiaeth?

Yn ystod y weminar hon gyda’r nos, bydd Peter Williams yn trafod y dechnoleg LoRaWAN a bydd Dr Stephen Christie yn trafod Agxio, gwasanaeth data newydd ar gyfer busnesau amaethyddol.

 

22/10/2020, 10:30- Mapio’r Pridd yn Fanwl Gywir ar fferm Pantyderi

Bydd y weminar hon yn cyflwyno canlyniadau’r broses o fapio 60 hectar (ha) o dir âr a 40ha o laswelltir ar safle arddangos Pantyderi.

 

22/10/2020, 15:30- Gwerthu ar lein

Gweminar fachog awr o hyd yn trafod popeth sydd angen i chi ei wybod ynglŷn â gwerthu ar-lein ynghyd â dulliau i hyrwyddo eich gwefan.

 

22/10/2020, 20:00- Crynodeb o’r adroddiad ffermio arloesol

Ar ddiwedd cyfres o weminarau fel rhan o’r Wythnos Arloesi ac Arallgyfeirio, bydd Jonathan Birnie yn ymuno â Cyswllt Ffermio i roi crynodeb o’r adroddiad arloesi mewn ffermio a gynhyrchwyd ganddo.

 

Mae Cyswllt Ffermio, sy’n cael ei ddarparu gan Menter a Busnes a Lantra, yn cael ei ariannu gan Lywodraeth Cymru a Chronfa Amaethyddol Ewrop ar gyfer Datblygu Gwledig.


Related Newyddion a Digwyddiadau

Sut gwnaeth sicrhau mentor rymuso tyddynwyr gydag arweiniad a gwybodaeth
27 Mawrth 2024 Fel recriwtiaid newydd i amaeth-goedwigaeth a
Fferm Laeth Cwmcowddu yn Gwella Effeithlonrwydd Porthiant, gan Hybu Proffidioldeb a Chynaliadwyedd
25 Mawrth 2024 Mae Cwmcowddu, fferm gymysg yn Llangadog yng
Gall cyrsiau hyfforddiant Cyswllt Ffermio helpu i gyflawni datblygiad personol a chryfhau arferion fferm
21 Mawrth 2024 Enillodd Julie Davies, sy’n bartner gweithredol yn