Tuhwntir Afon

Mae Caryl Hughes yn ffermio mewn partneriaeth gyda’i theulu (J. E. Hughes a’i Fab) ar fferm Tuhwntirafon, Llanarmon D.C. Maent yn ffermio oddeutu 900 erw o dir, gyda 60% ohono ar rent ar draws pedwar bloc penodol. Mae’r prif ddaliad yn fferm ucheldir gyda’r buarth ar uchder o 1000 troedfedd, a’r tir yn codi hyd at 1600 troedfedd.

Mae’r da byw yn cynnwys 1200 o famogiaid Mynydd Cymreig a 300 o famogiaid Miwl Cymreig. Mae’r fferm yn cadw mamogiaid cyfnewid, gan gynnwys oddeutu 280 o famogiaid Cymreig a 70-100 o famogiaid Miwl. Mae’r cyfraddau sganio yn 120% ar gyfer y mamogiaid Cymreig a 165% ar gyfer y mamogiaid Miwl. Mae gwerthiannau ŵyn yn dechrau gyda’r ŵyn Texel croes o’r mamogiaid Miwl ar ddiwedd mis Mehefin, ac yna’r ŵyn Cymreig a’r ŵyn Miwl o fis Medi. Mae anifeiliaid wedi’u pesgi ac anifeiliaid stôr yn cael eu gwerthu yn y marchnadoedd byw. Yn ogystal, mae 25 o wartheg sugno Limousin croes llaeth sy’n lloia yn y gwanwyn, ac mae oddeutu 30 o wartheg blwydd oed/stôr yn cael eu prynu’n flynyddol, gyda rhai o’r heffrod yn cael eu cadw fel anifeiliaid cyfnewid.

Bydd dau brosiect yn cyd-redeg gyda’r gweithgareddau ar y fferm, gan ganolbwyntio ar iechyd a pherfformiad defaid. Bydd y prosiect cyntaf yn archwilio effaith dau wahanol faddon traed ar gloffni mewn defaid. Bydd yr ail brosiect yn ymchwilio a yw rhoi bolws i ŵyn gwryw yn gwella eu cynnydd pwysau byw a’u perfformiad cyffredinol, gan anelu at leihau nifer yr ŵyn sy’n cael eu gwerthu fwy na phedair mis ar ôl diddyfnu.

Bydd y prosiect hefyd yn cyfrannu at ganlyniadau Rheoli Tir yn Gynaliadwy gan gynnwys:

• Sicrhau effeithlonrwydd adnoddau
• Safonau iechyd a lles anifeiliaid uchel