Mae caeau llawn dŵr dros wythnosau neu fisoedd ar y tro wedi arwain at niwed i strwythur y pridd, ymlediad chwyn a photsio i nifer o fusnesau fferm a choedwigaeth.
Mae Cyswllt Ffermio wedi trefnu cyfres o ddigwyddiadau ar ffermydd ledled Cymru, lle bydd arbenigwyr pridd a glaswelltir gwadd yn trafod effaith caeau llawn dŵr ac yn daparu atebion yn ymwneud â chywiro’r draeniad, cywasgiad, a materion rheoli maethynnau a chwyn sy’n achosi problemau i nifer o fusnesau o ran lleihad mewn cynnyrch ac ansawdd glaswellt, sy’n effeithio’n uniongyrchol ar gynhyrchiant y tir.
Bydd atebion ar gyfer mynd i’r afael ag ardaloedd gwlyb neu newydd eu draenio sy’n tan-berfformio, yn cael eu harwain gan Charlie Morgan a Chris Duller, y ddau ohonynt yn arbenigwyr pridd a glaswelltir adnabyddus.
Dywedodd Dewi Hughes, Rheolwr Datblygiad Technegol Cyswllt Ffermio bod canfyddiadau’r samplu pridd diweddar a gynhaliwyd gan dîm o swyddogion datblygu Cyswllt Ffermio yn ddiweddar wedi darparu data defnyddiol sydd wedi sicrhau bod nifer o’r ffermwyr a fynychodd y clinigau pridd diweddar eisoes yn mynd i’r afael âr broblem yn y ffyrdd mwyaf effeithiol yn nhermau cost ac amser.
Am ddyddiadau a lleoliadau yn eich hardal chi, gweler yr wybodaeth isod: