Penrhiw

Nodau’r Prosiect:

• Dangos y broses o drosi o fferm bîff a defaid pori sefydlog i system bori gylchdro a’r manteision cysylltiedig.
• Nod y prosiect hwn yw amlygu’r holl ystyriaethau ymarferol wrth rannu’r fferm yn ddarnau a gosod y seilwaith perthnasol a chynnig patrwm ar gyfer gwaith trosi o’r fath.
• Cynhaliwyd y prosiect hwn ar safleoedd eraill ar y Rhwydwaith Arddangos, gan gynnwys Safle Ffocws Pen y Gelli, Orsedd Fawr ac Aberbranddu.
• Mae manteision pori cylchdro mewn cymhariaeth â systemau stocio sefydlog wedi eu cofnodi yn fanwl ac mae’r arfer yn cael ei ddefnyddio yn eang yn y sector llaeth yn effeithiol iawn.
• Er gwaethaf ei botensial anferth i wella’r defnydd o laswellt, ei dyfiant a’i ansawdd, eithriad yw systemau pori cylchdro yn y sectorau bîff a defaid.
• Un o’r rhesymau posibl am hyn yw graddfa’r amrywiaeth yn y da byw ar y fferm o ran gofynion porthiant yn ystod y tymor pori. Mae hyn yn creu her sylweddol pan ddaw yn fater o lunio cyllideb porthiant trwy’r flwyddyn
• Bydd y prosiect hwn yn ymdrin â’r sialensiau hyn ac yn cynnig atebion ymarferol ar systemau cymysg o’r fath.
• Yn y prosiect bydd tua 30ha yn cael eu rhannu yn badogau llai gan ddefnyddio ffensys trydan parhaol a thros dro.