Mae’r cwrs Agronomeg hwn yn cael ei gynnig gan Goleg Sir Gâr ac mae wedi'i achredu drwy Agored. Mae’n anelu at sefydlu a rheoli'r amrywiaeth o gnydau sy’n cael eu tyfu yng Nghymru.
Mae'n cael ei addysgu i safon Lefel 4, sy'n cyfateb i flwyddyn gyntaf Lefel Gradd yn y brifysgol.
Cyflwyno’r Cwrs: Mae hyd y cwrs rhwng pedwar a chwe diwrnod. Yn ddelfrydol, bydd y cwrs wedi'i rannu dros y flwyddyn gyfan fel y gellir gweld cnydau’r fferm ar wahanol adegau o’r flwyddyn. Mae technegau hyfforddi lle bydd pawb yn cymryd rhan i'w defnyddio drwyddi draw. Bydd y pum diwrnod cyntaf yn cael eu dysgu fel sesiynau yn y dosbarth a disgwylir i ymgeiswyr wneud asesiadau ymarferol ar gnydau yn eu hardaloedd eu hunain. Mae papur a beiros yn cael eu darparu ac o fewn pum diwrnod i bob sesiwn bydd copïau o sleidiau ar gael.
Y lefelau mynediad isaf ar gyfer y cwrs hwn ydy: TGAU mewn Cymraeg (neu Saesneg), Mathemateg a thair blynedd o brofiad o weithio mewn amaethyddiaeth NEU bum mlynedd yn gweithio ar ffermydd masnachol.
Modiwlau
- Cynhyrchu Cnydau. Dewis y mathau mwyaf addas o gnydau.
- Chwyn, adnabod a rheoli.
- Plâu, adnabod, asesu a’r dewisiadau ar gyfer eu rheoli.
- Clefydau.
- Maethiad Pridd a Chnydau
- Cemegau ar gyfer Diogelu Planhigion a Chynhyrchion Gwrtaith.
- Diogelu pobl, anifeiliaid a'r amgylchedd.
- Defnyddio cynhyrchion diogelu planhigion a gwrtaith.
- Twf a Rheolaeth Glaswellt gan gynnwys sefydlu, adnabod rhywogaethau llydanddail a glaswellt. Pryd a pham i ddinistrio hen dir pori a dechrau eto?
- Lle bo'n addas mabwysiadu ffermio gwndwn llysieuol a dethol rhywogaethau pwrpasol.
Ar ddiwedd y cwrs bydd arholiad ysgrifenedig o tua 2.5 awr a chyfweliad llafar gyda thiwtor coleg ac asesydd annibynnol. Y marc pasio fydd 70% . Bydd ymgeiswyr yn derbyn cymhwyster ffurfiol sy'n werth 15 credyd ar lefel blwyddyn gyntaf Lefel Gradd fydd yn cael ei dderbyn yn y rhan fwyaf o brifysgolion y Deyrnas Unedig.
Mae'r Darparwyr Hyfforddiant canlynol ar gael i gyflwyno'r cwrs hwn: