Pam fyddai Glyn yn fentor effeithiol

  • Arferai Glyn weithio fel hyfforddwr ATB Landbase/Lantra yn arbenigo mewn gyrru tractor a gyrru tractor ar lethrau ac mae wedi mynychu sawl cwrs hyfforddi Cyswllt Ffermio yn cynnwys hyfforddiant telehandler
  • Gyda mwy na 30 mlynedd o brofiad o weithio mewn amaethyddiaeth a thrin amrywiaeth o beiriannau fferm mewn modd effeithiol a diogel, mae Glyn yn awyddus i rannu ei wybodaeth gyda busnesau fferm eraill mewn ymdrech i wneud ffermydd Cymru’n fwy diogel a lleihau perygl damweiniau
  • Mae Glyn yn gyfathrebwr effeithiol, sgil a ennillodd o ddelio gydag unigolion a grwpiau yn ei swyddi blaenorol. Mae’n wrandäwr da, gan annog trosglwyddo gwybodaeth trwy drafodaethau agored a chynnig adborth diduedd
  • Yn ddiweddar fe drefnodd gystadleuaeth ‘Effeithiolrwydd a Diogelwch’ CFfI Ceredigion
  • Mae hefyd yn gynrychiolydd ar fwrdd materion gwledig NFU Ceredigion, gyda diddordeb arbennig mewn Iechyd a Diogelwch
  • Mae Glyn yn aelod o grŵp trafod defaid Cyswllt Ffermio lleol, sydd bellach yn canolbwyntio ar Fesur i Reoli  

Busnes fferm presennol

  • Daliad 160 erw, berchen hanner a rhentu hanner 
  • 250 o famogiaid llawr gwlad a 250 o famogiaid ucheldir a gedwir ar gyfer cynhyrchu cig a chyflenwi stoc
  • Busnes contractio amaethyddol. Mae gwasanaethau allweddol yn cynnwys cynhaeafu byrnau crwn a thorri gwrychoedd

Cymwysterau / cyraeddiadau / profiad

Ar ôl gadael yr ysgol, cwblhaodd Glyn nifer o gymwysterau NPTC yn cynnwys cynhyrchu bîff a defaid; llif gadwyn; plaladdwyr; dipio defaid a chludo defaid, i enwi ychydig. Bu hefyd yn gweithio fel archwiliwr i’r NPTC cyn dychwelyd adref i weithio ar y fferm deuluol a sefydlu busnes contractio amaethyddol ei hun. 

 

Awgrymiadau da ar gyfer rheolaeth Iechyd a Diogelwch 

 “Ystyriwch yr hyn sydd o’ch cwmpas bob amser cyn dechrau unrhyw waith a chymerwch gamau i ddileu neu leihau unrhyw beryglon penodol.”

“Gwnewch eraill yn ymwybodol o’r hyn rydych chi’n bwriadu ei wneud a lle ydych yn bwriadu gweithio a chadwch mewn cysylltiad yn rheolaidd.”

“Buddsoddwch amser mewn hyfforddiant a gwnewch yn siŵr bod unrhyw gerbydau neu offer rydych chi’n ei ddefnyddio mewn cyflwr gweithredol da a diogel.”

“O ran gweithio gydag anifeiliaid mawr, gwnewch yn siŵr eich bod yn defnyddio’r cyfleusterau cywir.”

“Osgowch weithio ar ben eich hun ond os oes rhaid, cariwch eich ffôn symudol bob amser.”

Gwnewch gais am fentor