Rhodri Jones
Pen Y Parc, Llanerfyl
Astudiaeth ddichonoldeb – addasu technoleg ar gyfer fferm laeth mewnbwn isel sy’n lloia yn y gwanwyn
Yn 2018, ymunodd fferm Pen Y Parc â fferm laeth gyfagos mewn partneriaeth, gan roi’r ysbrydoliaeth i Rhodri geisio rhedeg Pen Y Parc fel menter unigol. Maent wedi buddsoddi mewn isadeiledd gan adeiladu lagŵn slyri, sied giwbiclau a pharlwr godro newydd, a chafodd y fferm ei throsi’n gyfan gwbl i fferm laeth gost isel yn lloia yn y gwanwyn, gyda’r tymor cyntaf yn 2023.
Mae Rhodri a Sion yn cadw 175 o wartheg Kiwi croes yn bennaf ar lwyfan bori 66 hectar, gyda TB yn cyfyngu ar yr uchelgais o ran nifer y gwartheg ar hyn o bryd. Mae stoc ifanc yn cael eu magu ar flociau allanol y fferm ac mae silwair yn cael ei brynu i mewn ar gyfer y fuches.
Mae Rhodri a Sion yn rhedeg system syml, ond maent yn awyddus i archwilio a allai technoleg gynnig cymorth a gwella effeithlonrwydd, a’r gyfradd elw ar fuddsoddiad o ran eu DPA presennol ar gyfer ffrwythlondeb, cynhyrchiant, iechyd, elfennau metabolig ac arbedion llafur posibl.
Bydd y prosiect ar fferm Pen Y Parc yn ymchwilio i elw posibl ar fuddsoddiad y technolegau sydd ar gael i ffermwyr sy’n rhedeg system debyg, ac yn benodol, pa dechnolegau fyddai’n fwyaf addas ar gyfer y system ar fferm Pen Y Parc.
Bydd yn cynnwys y pynciau canlynol ond heb fod yn gyfyngedig iddynt:
Iechyd a lles anifeiliaid:
- Coleri gwartheg
- Bolysau
- Tagiau sy’n monitro arwyddion o ofyn tarw, iechyd a chnoi cil
Iechyd a diogelwch:
- System giatiau dethol awtomatig
Awtomeiddio:
- Peiriant magu/bwydo lloi
- Peiriannau crafu robotaidd
- Awtomeiddio yn y parlwr godro
- Baddon traed
Bydd y prosiect hefyd yn cyfrannu at ganlyniadau Rheoli Tir yn Gynaliadwy gan gynnwys:
- Lleihau allyriadau nwyon tŷ gwydr
- Ecosystemau cydnerth
- Aer glân
- Safonau iechyd a lles anifeiliaid uchel