Gyda chynlluniau i ehangu'r Parthau Perygl Nitradau (NVZ) yng Nghymru ar hyn o bryd yn destun ymgynghoriad, mae storio slyri a rheoli maethynnau yn faterion pwysig i ffermwyr da byw.
Bydd cynllunio storfeydd slyri sy’n addas ar gyfer rheoliadau’r dyfodol, gwerthuso’r buddsoddiad angenrheidiol er mwyn uwchraddio storfeydd a’r heriau sy’n ymwneud â rheolaeth slyri a thail ymysg y pynciau trafod mewn cyfarfod Cyswllt Ffermio ar fferm Moor Farm, Walwyn’s Castle, Hwlffordd.
Bydd egwyddorion rheoli maethynnau, cynllunio systemau storio hir dymor ac opsiynau cost effeithiol yn cael eu trafod gan Keith Owen ac Aled Roberts, ADAS. Byddant hefyd yn amlinellu sut all parthau NVZ effeithio ar reoliadau a sut i gymryd rhan yn yr ymgynghoriad presennol ar y parthau NVZ yng Nghymru.
Bydd y digwyddiad yn cynnwys taith o amgylch y fferm, sy’n un o Safleoedd Arddangos Cyswllt Ffermio, lle mae’r teulu Rees yn ystyried opsiynau i uwchraddio eu system slyri.
Datrysiadau Slyri addas ar gyfer y Dyfodol
Dyddiad: Dydd Llun 21ain Dachwedd 2016
Amser: 11:00 – 14:45
Lleoliad: Moor Farm, Walwyn’s Castle, Hwlffordd SA62 3EE
Mae croeso cynnes i bawb yn y digwyddiad, a darperir cinio. Gofynnwn i chi archebu lle ymlaen llaw trwy gysylltu â Jamie McCoy ar 07985 379819 neu jamie.mccoy@menterabusnes.co.uk