Gall lleihau amlder niwmonia mewn lloeau ifanc wella perfformiad ac felly proffidioldeb mentrau magu lloeau. Ymunwch â Cyswllt Ffermio ar gyfer noswaith ar un o’i Safleoedd Ffocws i ddysgu mwy am atal clefydau a sut gall dyluniad ac awyriad mewn adeiladau eich cynorthwyo i fynd i’r afael â materion clefydau resbiradol.
Cewch ddiweddariad ar brosiect Cyswllt Ffermio ar fferm Llindir sy’n anelu at wella cynnydd pwysau byw dyddiol trwy ganfod helaethder achosion niwmonia mewn lloeau ifanc yn y fenter magu lloeau dan do. Fel rhan o’r prosiect, bydd pob anifail yn cael ei archwilio ac yn derbyn sgôr niwmonia, sy’n helpu i leihau’r defnydd o driniaeth wrthfiotig a chanfod heintiad ynghynt. Mae ychwanegu profiotig i laeth fel dull atal hefyd yn cael ei archwilio, yn ogystal â newidiadau i reolaeth a gosod systemau awyru cadarnhaol.
Bydd y milfeddyg, Dai Grove White o Brifysgol Lerpwl, a’r milfeddyg annibynnol, Sarah Pederson hefyd yn trafod gwir gostau niwmonia, opsiynau triniaeth ac atal, ynghyd â dyluniad adeiladau ac awyriad.
Atal clefydau a sicrhau’r perfformiad gorau mewn systemau magu lloeau
Dydd Iau, Rhagfyr 1af
6.30yh-8.30yh
Llindir, Eglwys Bach, Bae Colwyn LL28 5SE
Croeso i bawb a bydd lluniaeth ar gael. Am fwy o fanylion, cysylltwch ag Emyr Owen ar 01745 770270 neu 07985 967481 emyr.owen@menterabusnes.co.uk