Pwy arall sy'n gallu helpu dy fusnes?
Fe welwch restr lawn o gyfleoedd i ymwneud â’r sefydliadau hyn ar y dudalen Cystadlaethau Entrepreneuriaeth Ieuenctid yn yr Ardal Partneriaid.
Mae Clwb Ffermwyr Ifanc Cymru yn fudiad ieuenctid gwirfoddol dynamig a hygyrch i bobl 10-25 blwydd oed, sy'n gweithredu'n ddwyieithog ledled Cymru wledig. Maent yn cefnogi pobl ifanc i ddod yn ffermwyr llwyddiannus, unigolion hyderus, cyfranwyr effeithiol a dinasyddion cyfrifol.
Mae Gyrfa Cymru'n darparu gwasanaethau gwybodaeth, cyngor a chyfarwyddyd gyrfa am ddim a diduedd i bobl ifanc, oedolion, rhieni, cyflogwyr a gweithwyr proffesiynol yng Nghymru.
Mae Ymddiriedolaeth y Tywysogion yn gweithio'n galed i greu dyfodol mwy disglair i bobl ifanc 11 i 30 oed yng Nghymru, gan eu galluogi i ddod i mewn i swyddi, addysg a hyfforddiant.
Yn agored i bobl ifanc 18-30 oed o bob cefndir sydd am fynd â’u syniadau at y lefel nesaf. Bydd ymgeiswyr i’n Rhaglen Arloeswyr Ifanc newydd yn cael cyngor ac arweiniad yn gyflym a chyfle i gael arian i’w helpu i droi’u synidadau’n realiti.
Elusen annibynnol yw Cyngor Celfyddydau Cymru, gan gydweithio â Llywodraeth Cymru. Mae un o'u prosiectau, Dysgu Creadigol drwy'r Celfyddydau, yn anelu at gynyddu a gwella profiadau a chyfleoedd celfyddydol mewn ysgolion, darparu ar wella llythrennedd, rhifedd a lleihau effaith anfantais.
Mae Busnes yn y Gymuned yn elusen sy'n canolbwyntio ar faterion sy'n seiliedig ar fusnes. Maent yn cefnogi pobl ifanc, yn enwedig y rheiny mewn amgylchiadau heriol, trwy anelu at bontio'r bwlch rhwng yr ystafell ddosbarth a byd gwaith, a sicrhau bod Cymru'n cael y gweithlu medrus sydd ei angen arno yn y dyfodol.
Mae Chwarae Teg yn gweithio i helpu i sicrhau bod merched yng Nghymru yn gallu mynd i'r gweithle, datblygu eu medrau ac adeiladu gyrfaoedd sy'n gwobrwyo. Maent yn cydweithio'n agos â phobl ifanc a sefydliadau ieuenctid ar raglenni ymwybyddiaeth rhyw, gan helpu addysgwyr i ddeall rhyw o safbwynt datblygiad plentyn.
Mae FSB yn wasanaeth aelodaeth sy'n cynnig cyngor, arbenigedd ariannol, cefnogaeth a llais pŵer yn y llywodraeth. Eu cenhadaeth yw helpu busnesau bach i gyflawni eu huchelgais. Mae ganddynt ddiddordeb arbennig mewn cymorth sydd ar gael i bobl fusnesau ifanc yng Nghymru.
Sefydlwyd Banc Datblygu Cymru gan Lywodraeth Cymru i gefnogi economi Cymru trwy ei gwneud yn haws i fusnesau gael y cyllid sydd ei angen i ddechrau, cryfhau a thyfu, a fydd yn ei dro yn cefnogi entrepreneuriaeth ieuenctid.
Mae cwmni Menter a Busnes yn gwmni annibynnol sy'n helpu unigolion, busnesau a sefydliadau yng Nghymru i gyfrannu tuag at ddatblygu'r economi, gan gynnig ymwybyddiaeth entrepreneuriaeth, cychwyn busnes a chymorth twf busnes. Mae ganddynt ddiddordeb arbennig mewn cymorth sydd ar gael i bobl fusnesau ifanc yng Nghymru.
Mae Micro-Tyco yn her menter fis o Grŵp WildHearts sy'n galluogi cyfranogwyr i ymarfer a dysgu egwyddorion busnes sylfaenol mewn amgylchedd 'micro' diogel. Mae gan dimau o ysgolion, prifysgolion neu fusnesau un mis i droi cyfalaf hadau o £1 i gymaint o arian â phosibl.
Shell LiveWIRE yw cymuned ar-lein fwyaf y DU ar gyfer entrepreneuriaid ifanc rhwng 16 a 30 oed, sy'n cynnig newyddion, cyngor a chyllid ar gyfer syniadau busnes sy'n mynd i'r afael ag anghenion trafnidiaeth, ynni, adnoddau naturiol neu ddatblygiad trefol y DU.
Sefydlwyd Menter Môn i gyflwyno rhaglenni datblygu gwledig yr UE ar Ynys Môn. Nod eu prosiect ieuenctid, FFIWS, yw rhoi dealltwriaeth o gamau sylfaenol datblygu cynnyrch trwy gynnig cefnogaeth ac adnoddau entrepreneuriaid ifanc trwy academïau wythnosol, Labordy Ffabrigau (FABLab) a chronfa bwrsariaethau.
Mae'n galluogi pobl ifanc i harneisio eu medrau personol a busnes. Maent yn gwneud y cysylltiad rhwng yr ysgol a'r byd gwaith, gan alluogi pobl ifanc i ddatblygu'r wybodaeth a'r agweddau y mae eu hangen arnynt i lwyddo.
Cenhadaeth UnLtd yw dod i ben a datgelu egni pobl sy'n gallu trawsnewid y byd y maent yn byw ynddo. Trwy eu Rhaglen Wobrau gystadleuol maent yn cynnig cefnogaeth i Entrepreneuriaid Cymdeithasol o bob oedran ar wahanol gamau o'u taith.
Nod Urdd Gobaith Cymru yw darparu'r cyfle, trwy gyfrwng y Gymraeg, i'r plant a phobl ifanc yng Nghymru fod yn unigolion cwbl crwn, gan ddatblygu sgiliau personol a chymdeithasol a fydd yn eu galluogi i wneud cyfraniad cadarnhaol i'r gymuned.
Mae Canolfan Gydweithredol Cymru yn gweithio tuag at greu Cymru well, decach a mwy cydweithredol. Maent yn asiantaeth genedlaethol sy'n cefnogi adfwyio cymunedol, datblygu economaidd a chfiawnder cymdeithasol trwy atebion cydweithredol, a fydd o fudd i bobl ifanc yng Nghymru.
WorldSkills yw'r ganolfan fyd-eang ar gyfer rhagoriaeth a datblygiad sgiliau. Mae eu prosiect BeChangeMaker yn brosiect hyfforddi sgiliau entrepreneuraidd cymdeithasol ar-lein sy'n galluogi ieuenctid gyda sgiliau a syniadau gwych i archwilio eu potensial gyrfa fel entrepreneur cymdeithasol.
Mae Youth Cymru yn elusen waith ieuenctid genedlaethol. Maent yn cydweithio gyda'u haelodau a mudiad sy'n wynebu pobl ifanc eraill i ddarparu cyfleoedd, prosiectau a rhaglenni unigryw, arloesol sy'n newid bywyd, gan wella bywydau pobl ifanc yng Nghymru.