Gadewais yr ysgol heb unrhyw gymwysterau TGAU ond gyda chymhwyster mewn harddwch, a wnaeth fy helpu i gael lle ar gwrs coleg. Tra roeddwn yn astudio, dechreuais wasanaeth harddwch symudol, ond yna darganfyddais fy mod yn feichiog cyn dechrau swydd llawn amser ar long. Ar ôl i fy mab gael ei eni, astudiais ar gyfer fy nghymwysterau trin gwallt ac addysgu, ac yna bûm yn gweithio mewn sba cyn rhentu eiddo yn Abertawe i ddechrau fy musnes.

 

Mae fy ystafell harddwch bellach yn cynnig profiad salon proffesiynol, lle i ymlacio, gydag ystod o driniaethau harddwch, ar gyfer yr wyneb a'r corff i ferched a dynion. Rydym hefyd yn cynnig cyrsiau hyfforddiant mewn gwahanol driniaethau harddwch. 

 

Er bod fy nheulu wedi bod yn gefnogol bob amser, fy ysbrydoliaeth mwyaf oedd fy nhiwtor coleg, a ddysgodd i mi gredu ynof fy hun. Rydym yn dal i gadw mewn cysylltiad hyd heddiw.