Dechreuais fy musnes i hyrwyddo bwyd o Gymru. Ro’n i bob amser wedi bod eisiau cynhyrchu DVD am fwyd o Gymru, ond sylweddolais nad oedd hynny’n mynd i fod yn ddigon ar ei ben ei hun i gynnal busnes. Felly, nawr, rydym yn cynnal gweithdai coginio, arddangosiadau, sgyrsiau a saffaris bwyd. 

 

 

Rwyf wrth fy modd gyda’r ffaith fy mod yn cyfuno fy holl brofiad a’m doniau wrth ddatblygu syniadau ar gyfer Coginio/Loving Welsh Food. Roedd y flwyddyn gyntaf yn anodd, ond dysgais pa mor bwysig yw marchnata a hyrwyddo eich cynhyrchion, a bod yn wydn a chadarnhaol.