Gwasanaeth Cynghori

Cefnogaeth wedi’i deilwra i’ch cynorthwyo i gyflawni eich nodau

Mae'r Gwasanaeth Cynghori yn darparu cyngor arbenigol annibynnol, cyfrinachol ac wedi’i deilwra ar gyfer:

Ein nod yw sicrhau eich bod yn:

coed ffermio 0
  • elwa o gefnogaeth busnes a/neu gyngor technegol, wedi'i deilwra i anghenion eich busnes 
  • lleihau costau trwy gynyddu effeithlonrwydd ar draws pob maes o'ch busnes 
  • meincnodi eich perfformiad ac yn gweithio tuag at gynnydd a thwf 
  • adnabod meysydd i wella a chanfod atebion i broblemau 

*Oherwydd sefyllfa'r coronafeirws (Covid-19) ar hyn o bryd, nid yw ein cynghorwyr yn cynnal ymweliadau wyneb i wyneb am y dyfodol rhagweladwy. Yn y cyfamser, gallant gynnig cyngor dros y ffôn neu'n ddigidol lle y bo'n bosib.*


  • Cyngor un-i-un:

    up to 80% funded to a maximum of €1500 (euros) per instance of  advice.
  • Cyngor grŵp:
    wedi’i ariannu’n llawn hyd at uchafswm o €1500 (ewro) i bob aelod o’r grŵp. Gall rhwng tri ac wyth o bobl ymgeisio ar gyfer cyngor technegol fel grŵp a dau berson yn achos menter ar y cyd.
  • Gall busnesau cymwys ymgeisio am hyd at bedwar achos gwahanol o gyngor wedi’i deilwra drwy’r gwasanaeth cynghori.
  • Mae’n rhaid i unrhyw un sy’n cael mynediad at y gwasanaeth cynghori fel unigolyn neu fel rhan o grŵp fod wedi cofrestru gyda Cyswllt Ffermio.

Ydych chi’n barod i ymgeisio?

Cyn gwneud cais ar gyfer cyngor cynllunio busnes neu gyngor technegol sydd ar gael fel rhan o Wasanaeth Cynghori Cyswllt Ffermio, bydd angen i chi:

• gofrestru gyda Cyswllt Ffermio - bydd angen i bob busnes sy’n gwneud cais ar gyfer y Gwasanaeth Cynghori fod wedi derbyn e-bost neu lythyr gan Cyswllt Ffermio’n cadarnhau eu bod wedi cofrestru.

• wirio eich cymhwysedd ar gyfer y Gwasanaeth Cynghori.

Categorïau cynllunio busnes a thechnegol

…eich cynorthwyo i gyflawni eich nodau busnes a’ch amcanion technegol

Categori busnes
(wedi'i gadarnhau wrth gofrestru)
Advisory Service - level of support available
  • Busnes fferm
  • Busnes Coedwigaeth
  • Newydd Ddyfodiaid
  • Systemau ffermio/coedwigaeth arbenigol dros 550 awr o lafur cyffredinol bob blwyddyn

Pedwar achos o gefnogaeth cynghori dros gyfnod Cymunedau Gwledig Llywodraeth Cymru - Rhaglen Datblygu Gwledig 2014-2020.

Gellir cael mynediad at gyngor Cynllunio Busnes dwywaith gyda'r ail achos yn defnyddio ffigyrau o flwyddyn ariannol wahanol i'r data ddefnyddiwyd yn y cynllun busnes cyntaf.

  • Systemau ffermio/coedwigaeth arbenigol dan 550 awr o lafur cyffredinol bob blwyddyn
Un achos o gefnogaeth cynllunio busnes dros gyfnod Cymunedau Gwledig Llywodraeth Cymru - Rhaglen Datblygu Gwledig 2014-2020.

Mae’r linciau isod (o dan 'Categorïau Cyngor') yn amlinellu’r categorïau cyngor busnes a chefnogaeth dechnegol sydd ar gael fel rhan o’r Gwasanaeth Cynghori. Gobeithio y bydd y disgrifiadau byr yn eich galluogi i wneud penderfyniadau deallus ynglŷn a pha gategori/categorïau fyddai o fwyaf o fudd i’ch busnes, ond os oes angen gwybodaeth neu arweiniad pellach, cysylltwch â’ch Swyddog Datblygu lleol.

Sut i wneud cais

I ymgeisio a chymryd mantais o’r cyngor sydd ar gael trwy’r gwasanaeth cynghori, cysylltwch â’ch Swyddog Datlygu lleol  heddiw neu cysylltwch â ni ar:

 

08456 000 813  / cyswlltffermio@menterabusnes.co.uk / Facebook.com/FarmingConnect / @FarmingConnect

 

Mae Canolfan Wasanaeth Cyswllt Ffermio ar agor rhwng 9am a 5pm o Ddydd Llun i Ddydd Gwener, ac eithrio wyliau cyhoeddus.  

Cliciwch yma am wybodaeth bellach am Wasanaeth Cynghori Cyswllt Ffermio.

Gall busnes dderbyn cyngor ynglŷn ag amrediad o faterion penodol hyd at uchafswm o bedair gwaith, gan ddibynnu ar gymhwysedd, trwy gydol oes rhaglen Cymunedau Gwledig Llywodraeth Cymru – Rhaglen Datblygu Gwledig 2014-2020.