Cyflwyniad Prosiect: Gwella cynhyrchiant ac effeithlonrwydd oddi ar y borfa

Safle: Rhiwaedog, Rhos-y-Gwaliau, Bala, LL23 7EU

Swyddog Technegol: Gwawr Hughes

Teitl y prosiect: Gwella cynhyrchiant ac effeithlonrwydd oddi ar y borfa 

Cyflwyniad i’r prosiect: 

Prif nod y prosiect hwn yw gwella cynhyrchiant ac effeithlonrwydd oddi ar y borfa ar fferm fynydd. Gwneir hyn drwy asesu gwahanol agweddau o reolaeth glaswellt ar fferm Rhiwaedog, a’u haddasu fel bo’r angen yn ystod y prosiect i gynyddu cynhyrchiant oddi ar y borfa. Glaswellt yw’r porthiant rhataf sydd ar gael, a thrwy wneud y defnydd gorau ohono, gellir lleihau mewnbynnau’n sylweddol, gan arwain at fusnes fferm fwy proffidiol a chynaliadwy. Bydd yr elfennau dan sylw yn ystod y prosiect hwn yn cynnwys: potensial gwyndonnydd aml-rywogaeth, effeithiolrwydd gwasgaru gwrtaith nitrogen gydag atalyddion, opsiynau effeithiol ar gyfer ychwanegu calch (wedi’i falu’n fân neu ar ffurf pelenni) a hau meillion dros ben y porfeydd presennol.

Amcanion y prosiect:

• Cynyddu ansawdd y glaswelltir
• Cynyddu faint o laswellt sy’n cael ei dyfu
• Lleihau faint o ddwysfwyd a brynir 
• Lleihau’r defnydd o wrtaith artiffisial
• Gwella iechyd y pridd
• Gwella’r defnydd o laswelltir

Prif Ddangosyddion Perfformiad a osodwyd:

• Sicrhau lleihad o 40% o leiaf yn y dwysfwyd a brynir
• Sicrhau cynnydd o 15% o leiaf mewn cynnyrch glaswellt
• Sicrhau cynnydd o 20% o ran meillion
• Cynyddu’r kg/ha a gynhyrchir