Gweminarau Gwybodaeth am Farchnad Fanwerthu Llywodraeth Cymru - Helpu cynhyrchwyr Cymru i achub y blaen ar y gystadleuaeth

Fel rhan o Gynllun Adfer ar ôl Covid-19 Bwyd a Diod Cymru, bydd Levercliff yn cyflwyno cyfres o 10 gweminar ym mis Ionawr 2021 wedi’u cynllunio i roi Gwybodaeth am y Farchnad Fanwerthu i gynhyrchwyr Bwyd a Diod yng Nghymru yn ymwneud â chategorïau perthnasol.

Mae’r farchnad Fanwerthu yn wynebu cyfnod o dwf mawr oherwydd bod ymddygiad defnyddwyr wedi newid yn dilyn Covid-19 ac yn sgil y ffaith bod y sianel Gwasanaeth Bwyd bron â chau. Mae’r rhagolygon yn awgrymu mai Manwerthu fydd y brif sianel am flynyddoedd lawer i ddod wrth i’r Gwasanaeth Bwyd adfer yn araf. Felly, mae’n hanfodol bod cynhyrchwyr Cymru yn cael gafael ar yr wybodaeth ddiweddaraf am Fanwerthu i lywio penderfyniadau y byddant yn eu gwneud yn eu busnes.

Bydd pob gweminar yn canolbwyntio ar gategori penodol ac yn rhoi’r cipolwg diweddaraf ar y Farchnad Fanwerthu gan ddefnyddio Data Pwynt Gwerthu Electronig Nielsen.

Bydd y gweminarau o fudd penodol i gynhyrchwyr sydd ar hyn o bryd yn cyflenwi nifer o fanwerthwyr, neu sy’n gobeithio gwneud hynny cyn bo hir, ond byddant hefyd yn berthnasol i gynhyrchwyr sy’n cyflenwi’r Gwasanaeth Bwyd neu’n Uniongyrchol i’r Defnyddiwr.  

Bydd y rhai sy’n mynychu’r gweminarau yn derbyn y cyflwyniad a diweddariadau ar berfformiad y categori bedwar mis yn olynol, gan ddefnyddio’r data diweddaraf.

Cliciwch gategori o’ch dewis isod i gofrestru eich diddordeb.