Rhaglen Datblygu Masnach

Nod ein Rhaglen Datblygu Masnach yw eich helpu chi, fel cynhyrchwr, prosesydd neu ddosbarthwr bwyd a diod yng Nghymru, i dyfu eich busnes a chreu swyddi. Mae gennym raglenni penodol i gefnogi cwmnïau twf uchel i roi sylw i fylchau o ran sgiliau a gallu neu i ychwanegu profiad helaethach o reolaeth fasnachol at yr hyn sydd gennych chi.

Crynodeb y Cynllun Manwerthu

Mae'r Cynllun Manwerthu yn cynnwys gwybodaeth am y cyfleuoed a'r sialensau amrywiol y mae cynhyrchwyr bwyd a diod Cymru yn eu hwynebu ym marchnad manwerthu y DU ar hyn o bryd. Mae'n ymchwilio i dueddiadau defnyddwyr i greu amcanion allweddol  er mwyn tyfu a datblygu bwyd a diod Cymru ymhellach ym marchnad fanwerthu y DU.

Rhaglen Datblygu Masnach - Gweminarau

Ar hyn o bryd, mae'r Rhaglen Cymorth Datblygu Masnach yn rhedeg nifer o weminarau sydd â'r nod o ddarparu gwybodaeth ymarferol mewn amrywiol o feysydd i helpu busnesau i ddatblygu.

Cliciwch yma am restr o'r gweminarau.

Cwrdd â’r prynwyr ac ennill sgiliau newydd

Mae cryfhau’r gadwyn gyflenwi yng Nghymru’n flaenoriaeth. Mae ein digwyddiadau Cwrdd â’r Prynwr yn denu manwerthwyr, cyfanwerthwyr a gwerthwyr annibynnol mawr yn y maes bwyd a diod.  Rydym yn rhoi syniad i chi am ofynion prynu ac yn rhoi cyfle unigryw i gwmnïau hybu gwerthiant. Mae ein Rhaglen Sgiliau Masnachol yn rhoi sylw i'r bylchau o ran sgiliau a gallu cwmnïau ac yn datblygu safonau rheolaeth fasnachol broffesiynol yn y diwydiant yng Nghymru. Mae cyngor ac arweiniad pwrpasol ar gael i staff allweddol ynghylch materion sy’n ymwneud â’r diwydiant ac mae mentora hirdymor eisoes yn cefnogi’r sectorau pobi, melysion a llaeth. 

Ddarllen mwy am ddigwyddiadau Cwrdd â’r Prynwr
 

Y Rhaglen Sgiliau Masnachol

Mae’r Rhaglen Sgiliau Masnachol yn gyfres o weithdai a chymorth 1:1 sydd wedi’u hanelu at fusnesau bwyd a diod Cymru. Mae’r rhaglen yn darparu cyngor a chymorth ymarferol i fusnesau er mwyn iddynt ddatblygu eu gallu i gyflawni cynlluniau masnachol ar draws holl swyddogaethau busnes.