Artist ydw i, cerflunydd yn bennaf, ac fe gychwynnais drwy geisio gwerthu ychydig o fy narnau. Nid oedd gennyf gynllun pellach na hynny, ond wedyn aeth pethau o nerth i nerth, a chyn i mi wybod, roeddwn i’n rhedeg fy musnes fy hun.  Roedd yn anodd iawn i ddechrau – aeth popeth a allai fynd o'i le, o’i le, ond fe ddysgais lwythi o bethau yn y flwyddyn gyntaf, yn bennaf am gychwyn eto ar ôl methu! 

 

 

Erbyn hyn, mae fy musnes yn darparu cerfluniau gwreiddiol a darnau cyfyngedig mewn cerameg, efydd a resin efydd, yn bennaf drwy orielau sefydledig. Mae gen i weithdy yn fy nghartref, ac rwy’n gweithio gyda thîm bychan yr wyf yn ymddiried yn llwyr ynddynt.