Bûm yn gweithio fel athrawes ysgol gynradd cyn sefydlu fy musnes fy hun - roeddwn eisiau rhoi cynnig ar fod yn hunangyflogedig a rhoddais fy rhybudd ymadael o’r gwaith heb wir wybod beth oeddwn yn mynd i’w wneud! Sefydlais Tlws, sef busnes gwneud gemwaith, yn gwneud gemwaith arian sterling, gemwaith gwisgoedd a gwydr, yn y cartref. Erbyn hyn mae gennym siop yn Abergele a gwefan ar-lein; rydym hefyd yn gwerthu mewn digwyddiadau mawr ac yn cynnal partïon gemwaith. 

 

 

Roeddwn i'n meddwl y byddai'n fusnes bach, ond aeth pethau o nerth i nerth yn gyflym iawn a bu’n rhaid i mi weithio'n galed iawn i wneud yn siŵr nad oedd yn mynd allan o reolaeth. Roedd y flwyddyn gyntaf yn gromlin ddysgu enfawr, ond mae pob camgymeriad a wnewch yn rhoi profiad gwerthfawr i chi.