Cyflwyniad
Mae Sgôr Cyflwr y Corff yn ffordd effeithiol o fonitro statws iechyd a ffrwythlondeb y fuches gyfan. Dydy hi erioed wedi bod yn bwysicach i daro'r cydbwysedd iawn rhwng:
Bwydo Economaidd, Cynhyrchu Llaeth, Lles Anifeiliaid a Ffrwythlondeb y Fuches.
Mae nodi a chynnal Sgôr Cyflwr y Corff yn gywir yn offeryn pwysig sy'n helpu i reoli cyflwr y fuwch. Bydd hyn yn arwain at fuwch iach, buwch effeithlon gan leihau’r anhwylderau metabolaidd. Mae cynnal effeithlonrwydd metaboledd y fuwch yn lleihau nwyon tŷ gwydr o'r fuwch hefyd.
Trosolwg cryno
Nod y cwrs wyneb yn wyneb hwn fydd yn cael ei gynnal mewn diwrnod ydy eich dysgu sut a phryd i Sgorio Cyflwr Corff buchod yn effeithiol. Mae sgôr Cyflwr y Corff yn arbennig o ddefnyddiol fel dull i reoli buchod sych a rheoli anhwylderau metabolaidd ym mhob cam o laethiad (lactation)
Mwy o Fanylion
Nod y cwrs 1 diwrnod wyneb yn wyneb hwn ydy eich dysgu sut a phryd i Sgorio Cyflwr y Corff yn effeithiol. Mae sgorio rheolaidd yn monitro newid yn y fuwch unigol ac yn y fuches gyfan. Mae hyn yn helpu i gynnal cyflwr corff y fuches o fewn y terfynau sgôr gorau. Mae sgorio rheolaidd yn nodi pryd y bydd y fuches a'r fuwch unigol naill ai dros bwysau neu o dan bwysau mewn da bryd. Bydd hyn yn rhoi cyfle i’r ffermwr i roi cynllun ar waith i wella’r broblem. Mae'r system yn caniatáu ymyrraeth mewn da bryd pan fo angen.
Mae'r cwrs yn ymdrin â chynllun manwl a strategaethau sut i fynd ati i adnabod anatomeg y fuwch. Bydd hyn yn caniatáu i chi gael y sgôr gywir. Gyda'r system sgorio, rydych chi'n gweithio gan ddefnyddio camau cynnydd fesul 0.25 i ganiatáu cywirdeb.
Byddwch yn derbyn tystysgrif ar ôl cwblhau'r cwrs.
Beth sy’n cael ei gynnwys ar y cwrs?
Bydd ein cwrs Sgôr Cyflwr y Corff yn ymdrin â’r wybodaeth ganlynol:
- Pwysigrwydd Cyflwr y Corff
- Paratoi rwtȋn da
- Pryd i wneud Sgôr Cyflwr y Corff
- Cadw Cofnodion
- Bioddiogelwch
- Cysondeb yn y dechneg ydy'r allwedd i Sgorio Cyflwr Corff da
Mae'r system Sgorio yn caniatáu i ni gadw rheolaeth gyson ar ein buches er mwyn osgoi unrhyw Anhwylderau Metabolaidd ac unrhyw Anhwylderau sy'n gysylltiedig â Chyflwr Corff gwael p'un ai ydy’r anifail dros bwysau neu o dan bwysau.