Busnes Cymru

Mae Syniadau Mawr Cymru yn rhan o Busnes Cymru, sy’n rhoi gwybodaeth, cyngor ac arweiniad am ddechrau a thyfu busnes. Yn ogystal â rhoi cefnogaeth uniongyrchol drwy Syniadau Mawr Cymru, mae hyn yn golygu bod modd i ni sicrhau trosiant llyfn i bobl ifanc ar ôl iddyn nhw ddechrau masnachu er mwyn iddyn nhw fanteisio ar y cymorth busnes ehangach sydd ar gael ledled Cymru.

Beth ydy Busnes Cymru?

Mae Busnes Cymru yn darparu cymorth ar hyd a lled Cymru gan gynnwys:

Cymorth o bobl sy’n dechrau, yn rhedeg ac yn tyfu busnes
Cymorth arbenigol i fusnesau sy’n ehangu’n gyflym
Cymorth i fusnesau cymdeithasol sy’n dymuno ehangu neu greu swyddi
Ymwybyddiaeth o entrepreneuriaeth, uchelgais a sgiliau ymhlith pobl ifanc
Yn cefnogi busnesau i fanteisio i’r eithaf ar offer a phlatfformau ar-lein
Gwasanaeth Cymorth Busnes Ar-lein – Amrediad o gyrsiau ar-lein
Hyfforddiant, gweithdai, rhwydweithio, seminarau sy’n gysylltiedig â busnes
Helpu busnesau i ennill contractau gyda’r sector cyhoeddus yng Nghymru
Platfform i fusnesau hysbysebu eu nwyddau, eu gwasanaethau a’u gwaith blaenorol

 

Mae Busnes Cymru yn cynnig un pwynt cyswllt i fusnesau ac entrepreneuriaid gael mynediad at gyngor a chefnogaeth o’r sectorau cyhoeddus, preifat a gwirfoddol. Mae ar gael ar-lein drwy http://busneswales.gov.wales/ a sianeli cyfryngau cymdeithasol cysylltiedig; llinell gymorth 03000 6 03000; a rhwydwaith o swyddfeydd ar hyd a lled Cymru.   Rydym yn croesawu galwadau yn Gymraeg.