Dechrau Ffermio

Ydych chi eisiau mentro i redeg eich busnes ffermio neu goedwigaeth eich hun yn y dyfodol? Beth am ystyried menter ar y cyd?

Mae Cyswllt Ffermio yn gallu paru ffermwyr a thirfeddianwyr sy’n barod i gamu’n ôl o’r diwydiant gyda newydd ddyfodiaid sy’n chwilio am gyfle i gychwyn ffermio yn annibynnol. Mae’n rhoi arweiniad i bobl ar y ddwy ochr trwy’r camau allweddol sydd angen eu cymryd i ganfod partner busnes posib. Mae'r pecyn cymorth yn cynnig gwasanaeth paru, mentora, cynllun busnes a chyngor cyfreithiol i ddarparu arweiniad ar bob cam o sefydlu menter ar y cyd.

Cliciwch ar y cyfloedd a restrir isod i ddarganfod mwy am y tirfeddiannwr, y fferm, a gofynion y rôl a/neu'r potensial ar gyfer menter ar y cyd. 

Cliciwch yma i gael eich cynnwys ar rhestr bostio ac i gael gwybod pan fydd cyfleodd newydd ar gael.

Cyfleoedd Mentrau ar y Cyd:

Ydych chi'n dirfeddiannwr sy'n chwilio am bartner busnes?

Cliciwch yma i lewni Proffil Darparwr neu cysylltwch a'n Hwylusydd Olyniaeth er mwyn trafod eich opsiynau ar gyfer hysbysebu eich cyfle.

Oes oes gennych bartner busnes eisioes mewn golwg ac nad oes angen i chi ddefnyddio'r gwasanaeth paru gallwch osgoi'r cam hwn a symud ymlaen i gael mynediad at gyngor busnes a chyfreithiol ar unwaith. Mae’r cyngor wedi ei ariannu’n llawn i unrhyw un sy’n sefydlu menter ar y cyd.

I drafod eich gofynion, cysylltwch a'n Hwylusydd Olyniaeth:

Eiry Williams - 07985 155670 / eiry.williams@menterabusnes.co.uk

Dechrau Ffermio: Lleoliad gwaith

Mae Cyswllt Ffermio’n cynnig lleoliad gwaith cyflogedig i ffermwyr ifanc sy’n chwilio am brofiad gwaith â thâl ar ffermydd masnachol yng Nghymru am gyfnod o 6-12 wythnos.

• Cymorth wedi’i dargedu: Yn ddelfrydol ar gyfer newydd-ddyfodiad sy’n chwilio am brofiad ymarferol.
• Mentora: Byddwch yn gweithio ochr yn ochr â mentor profiadol a fydd yn nodi unrhyw fylchau mewn sgiliau ac yn sicrhau eich bod yn cael unrhyw hyfforddiant perthnasol.
• Profiad: Mae lleoliadau ar gael ar draws ystod o systemau ffermio yng Nghymru gan gynnwys bîff, defaid, llaeth a dofednod.
• Mae angen i ymgeisiwyr fod dros 16.

Mae’r cyfnod ymgeisio ar agor o 17 Tachwedd tan 8 Rhagfyr 2025. Gwnewch gais nawr drwy anfon eich CV neu drwy gynhyrchu fideo byr yn son am eich cefndir ac yn egluro pam y byddech yn addas ar gyfer y cyfle at- mali.iolo@mentera.cymru.

Cofiwch nodi enw'r fferm yr ydych yn ymgeisio amdani yn eich cais.

Am unrhyw gymorth neu ymholiad eto Cyslltwch gyda Mali a ar y cyfeiriad e-bost uchod.

Tudalennau cysylltiedig: