Rhaglen Yr Ifanc
Wyt ti rhwng 16 a 19 mlwydd oed ac â diddordeb mewn datblygu gyrfa yn y diwydiant ffermio?
Gwahoddir ceisiadau ar gyfer Rhaglen yr Ifanc yr Academi Amaeth 2023.
Bydd Rhaglen yr Ifanc, sydd wedi'i ariannu'n llawn, yn cynnig:
- Cyfle i rwydweithio gyda rhai o’r bobl fwyaf blaenllaw yn y diwydiant bwyd a ffermio
- Rhaglen o weithgareddau llawn ysbrydoliaeth i’ch cynorthwyo i gyrraedd eich targedau
- Hyfforddiant ar gyfer sgiliau cyfathrebu, ymdrin â'r wasg a'r cyfryngau a sgiliau negodi
- Cyfleoedd i ennill profiad o gadeirio cyfarfodydd, lleisio eich barn a mynegi eich safbwynt mewn modd effeithiol
- Llwybr mewn i rwydwaith cymorth amhrisiadwy a fydd yn agor drysau ac yn creu cyfleodd i chi
Mae ffenestr ymgeisio ar gyfer yr Academi Amaeth 2023 ar gau. Gweler ymgeiswyr llwyddiannus 2023 isod.
|
Cychwyn a Chyflwyniadau
|
Sioe Frenhinol Cymru
|
24 Gorffennaf 2023 |
|
SESIWN 1: Diwrnod 1 – Dod i’ch adnabod Eich amcanion, Mathau o bersonoliaeth, Cyfathrebu Diwrnod 2 – Ymweliadau Fferm a Chadwyn Gyflenwi Diwrnod 3 – Gwneud argraff da Delio â’r cyfryngau |
Penrhyn Llŷn, Gogledd Cymru
|
2 – 4 Awst 2023
|
|
SESIWN 2: Taith Astudio Tramor |
Yr Iseldiroedd
|
21 – 25 Awst 2023
|
|
SESIWN 3: Diwrnod 1 – Datblygu syniad, entrepreneuriaeth, dechrau a rhedeg busnes Diwrnod 2 - Ymweliadau Fferm a Chadwyn Gyflenwi Diwrnod 3 – Cynllunio ar gyfer eich dyfodol a adnabod eich diwydiant. |
Ceredigion, Gorllewin Cymru
|
30 Hydref – 1 Tachwedd 2023 |
|
SEREMONI ACADEMI AMAETH |
Ffair Aeaf Frenhinol Cymru
|
27 Tachwedd 2023
|
|
SESIWN I GLOI: Beth sydd nesaf? |
Bala, Meirionnydd
|
17 – 18 Chwefror 2024
|
PWYSIG - rhaid i ymgeiswyr fynychu pob un o'r sesiynau uchod a rhaid iddynt gael pasbort sy'n ddilys am o leiaf 6 mis ar ôl yr ymweliad astudio. Gall methu ag ymrwymo'n llawn i holl brofiad yr Academi Amaeth arwain at ddiarddel o'r rhaglen a gorchymyn i ad-dalu costau'r daith. Ni all aelodau fod yn absennol o sesiynau preswyl, oni bai bod unrhyw un o’r canlynol yn berthnasol -
- Profedigaeth agos yn y teulu
- Salwch personol a nodyn meddyg dilys
- Cyfrifoldebau gofal brys ac anochel am ddibynnydd
Am fwy o wybodaeth, cysylltwch â'ch Swyddog Datblygu Lleol.
Dyma'r ymgeiswyr llwyddiannus ar gyfer rhaglen yr Ifanc 2023.
Blaenporth, Ceredigion
“Rwyf eisiau defnyddio’r sgiliau a’r wybodaeth rwy’n eu hennill i wella effeithlonrwydd y fferm ac i helpu i lunio ei dyfodol."
“Rwy'n edrych ymlaen at gasglu syniadau newydd drwy weld sut mae ffermwyr eraill yn gwneud pethau, er mwyn helpu i wneud y fferm mor broffidiol â phosibl.''
Llanddowror, Sir Gaerfyrddin
“Rwy'n gobeithio y gallaf berswadio'r genhedlaeth iau i gymryd mwy o ddiddordeb yn y math hwn o raglen gan y bydd yn helpu eu hyder a'u gwybodaeth mewn bywyd.''
Llandinam, Powys
“Fel ffermwr ifanc, bydd y cyfleoedd y bydd yr Academi Amaeth yn eu darparu yn amhrisiadwy, a bydd cwrdd â phobl o’r un anian yn ehangu fy ngorwelion.
“Gan fod y diwydiant ffermio yn newid yn gyflym, rwy'n teimlo mai nawr yw'r amser iawn i mi gael cymaint o wybodaeth â phosibl a gwneud yr hyn a allaf i helpu amaethyddiaeth i ddod yn fwy cynaliadwy.''
Bala, Gwynedd
“Bydd yn anhygoel gweld sut mae’r Iseldiroedd yn ffermio, ac i ddod â syniadau adref i’w rhannu gyda’r teulu."
“Mae gen i gymaint mwy rwyf am ei ddysgu, dyma pam mae'r Rhaglen Iau yn berffaith i mi. Credaf y bydd y profiadau a gaf yn cyfoethogi fy sgiliau ac yn fy mharatoi ar gyfer y byd gwaith ac yn caniatáu i mi ddysgu pethau nad wyf wedi gallu eu dysgu gartref ar y fferm.''
Llanfair Dyffryn Clwyd, Sir Ddinbych
“Rwy’n teimlo bod y diwydiant amaethyddol ar drobwynt, ac yn symud tuag at arferion mwy cynaliadwy ac adfywiol yn y dyfodol."
“Rwy'n edrych ymlaen at ddysgu am y technegau hyn a sut y gallwn ni i gyd eu rhoi ar waith.''
Cydweli, Sir Gaerfyrddin
“Bydd hyn yn fy ngrymuso i ddod â syniadau ar gyfer gwell effeithlonrwydd a chynhyrchiant adref i'r fferm deuluol ac i'w defnyddio yn fy ngyrfa yn y dyfodol fel milfeddyg hefyd.''
Llansannan, Sir Ddinbych
“Bydd hefyd yn dda cwrdd â phobl ifanc eraill sydd â diddordebau tebyg i mi, i rannu syniadau ac i ddysgu oddi wrth ein gilydd.''
Llanelwy, Conwy
“Mae’n mynd i fod yn gyfle anhygoel i gael profiadau newydd a chwrdd â gwahanol bobl."
“Rwyf hefyd yn edrych ymlaen at fod yn llais i bobl ifanc sy'n bwriadu dilyn gyrfa mewn amaethyddiaeth.''
Llanwrtyd Wells, Powys
“Rwy’n gobeithio cwrdd â phobl sydd yr un mor frwd am y diwydiant ag yr wyf i, i wneud ffrindiau â phobl o’r un anian sydd eisiau sicrhau dyfodol ein diwydiant amaethyddol."
“Gwn y bydd y rhaglen hon yn rhoi cyfoeth o gyfleoedd i mi wneud hynny.''
Llanbrynmair, Powys
“Rwy'n edrych ymlaen at y cyfle i ddysgu llawer mwy am y dulliau ffermio mewn gwlad arall.''
Glynarthen, Ceredigion
“Mae dyfodol yr amgylchedd o bwys i mi ac rwy’n awyddus i ddysgu sut y gallwn ni yn y diwydiant amaethyddol leihau ein hôl troed carbon a ffermio’n fwy effeithiol."
“Rwy'n gobeithio elwa ar gyngor da gan fentoriaid ac arbenigwyr yn eu meysydd ac i ddefnyddio hyn rywbryd ar y fferm deuluol.''